Fjöruverðlaunin, bókmenntaverðlaun kvenna
Fjöruverðlaunin, bókmenntaverðlaun kvenna, veitt í fyrsta sinn. Þau eru veitt árlega fyrir bækur í þremur flokkum: fagurbókmenntir, fræðibækur og rit almenns efnis og barna- og ungmennabækur. Árið 2014 varð borgarstjóri Reykjavíkur – Bókmenntaborgar UNESCO verndari verðlaunanna.
Hugmyndin að Fjöruverðlaununum kviknaði árið 2006 innan grasrótarhóps kvenna í Rithöfundasambandi Íslands og Hagþenki. Meðal ástæðna þess að hópurinn taldi sérstök kvennaverðlaun nauðsynleg var ójöfn kynjaskipting handhafa Íslensku bókmenntaverðlaunanna en á tímabilinu 1989–2011 fengu 36 karlar og 11 konur verðlaun.
Þessar bækur hlutu verðlaunin við fyrstu úthlutun þeirra:
Kristín Steinsdóttir – Á eigin vegum
Sigríður Dúna Kristmundsdóttir – Ólafía. Ævisaga Ólafíu Jóhannsdóttur
Héléne Magnússon – Rósaleppaprjón í nýju ljósi
Þorgerður Jörundsdóttir – Mitt er betra en þitt
Anna Cynthia Leplar og Margrét Tryggvadóttir – Skoðum myndlist