Torfhildur Hólm

1891

Torfhildur Hólm
Torfhildur Hólm (1845-1918) hlýtur skáldastyrk frá Alþingi, fyrst íslenskra kvenna. Nafni styrksins var að vísu breytt í „ekknastyrk“ í kjölfar andmæla. Torfhildur var fyrsti atvinnurithöfundur Íslands og fyrsta konan til að senda frá sér skáldsögur. Hún var einnig fyrst kvenna hér á landi til að gefa út og ritstýra tímariti en það var Draupnir, sem kom fyrst út 1891. Torfhildur lést í Reykjavík úr spænsku veikinni árið 1918. „Ég var sú fyrsta sem náttúran dæmdi til þess að uppskera hina beisku ávexti gamalla rótgróinna hleypidóma gegn litterærum dömum.” Um Torhildi Hólm má lesa í grein Soffíu Auðar Birgisdóttur í Tímariti Máls og menningar og einnig hefur Hermann Stefánsson skrifað skemmtilega grein um Torhildi Hólm og Halldór Laxness sem birtist á Kistunni.