Ari Trausti Guðmundsson

„Eftir langa íhugun komst ég að því að strandbæir okkar geta ekki hrörnað að fullu fyrir ingróinni þrjósku. Ná ekki að tæmast vegna hógværðar. “
(Bæjarleið)

Ari Trausti Guðmundsson fæddist í Reykjavík þann 3. desember 1948. Hann er íslenskur í föðurætt en móðurættin teygir sig til Þýskalands, Póllands og Austurríkis.

Ari Trausti stundaði nám við Háskóla Íslands og í Osló, með áherslu á jarðeðlisfræði og jarðfræði og vann meðal annars við rannsóknarstörf, blaðamennsku, kennslu, leiðsögn og ferðaþjónustu til ársins 1987. Eftir það hefur hann verið sjálfstætt starfandi og til dæmis sinnt ýmis konar faglegri ráðgjöf, fyrirlestrum, ferðaþjónustu, kynningu á vísindum, ritstörfum og dagskrárgerð fyrir sjónvarp og útvarp.

Hann hefur haft umsjón með tugum útvarpsþátta- og þáttaraða og enn fleiri heimildarmyndum, sjónvarpsþáttum og -þáttaröðum, meðal annars um vísindi og nýsköpun. Ari Trausti hefur stundað ferðalög, útivist og fjallamennsku í rúma fjóra áratugi, bæði hér heima og víða um veröld.  Meðal annars hefur hann leitt íslenska ferðahópa til Mongólíu, Nýja-Sjálands og Ekvador. Hann hefur farið mjög víða um norðurslóðir og til fjölda landa í Evrópu, Asíu og Suður-Ameríku í leit að fjöllum til að klífa.

Fyrsta skáldverk Ara Trausta, smásagnasafnið Vegalínur, kom út árið 2002 og hlaut það Bókmenntaverðlaun Halldórs Laxness. Áður höfðu ljóð og smásögur eftir hann birst í tímaritum og safnritum. Síðan hefur hann sent frá sér bæði ljóðasöfn og skáldsögur. Að auki hefur Ari Trausti stundað margvísleg önnur  ritstörf, svo sem stjórnmálaskrif, þýðingar og skrif vegna landkynningar eða umhverfismála. Flestar bækur hans, allt frá 1980, fjalla um jarðfræði, eldfjallafræði, stjörnufræði, umhverfisvernd, ferðaslóðir og fjallamennsku. Hann hefur einnig unnið að hönnun sýninga eða safnahluta og útbúið sýningarefni á Íslandi og erlendis. Þá hefur hann lagt stund á myndlist og haldið nokkrar sýningar á teikningum sínum og vatnslitamyndum.

Ari Trausti Guðmundsson býr í Reykjavík. Hann er giftur og á þrjú börn.

Verðlaun og viðurkenningar

2010 - Viðurkenning Siðmenntar: Fyrir miðlun vísinda til almennings

2007 - Viðurkenning RANNÍS: Fyrir miðlun vísinda til almennings

2002 - Bókmenntaverðlaun Halldórs Laxness: Vegalínur

2000 - Viðurkenning Rithöfundasambandsins (fræðibókahöfundar)

1999 - Aurelio Pecei verðlaunin (Ítalía): Fyrir starf að umhverfismálum og kynningu á náttúru og vísindum, einkum fyrir ungt fólk

1999 - Pálsvarðan: Fyrir kynningu á náttúru og landi fyrir almenning

1996 - Verðlaun prentiðnaðarins: Vatnajökull - frost og funi

Tilnefningar

2001 - Íslensku bókmenntaverðlaunin (fræðibækur og bækur almenns efnis): Íslenskar eldstöðvar

1998 - Umhverfisverðlaun Norðurlanda

Um einstök verk

Leiðin að upptökum Orinoco

Kolbrún Lilja Kolbeinsdóttir: „Tregablandið ævintýri“ (ritdómur)
Spássían 2012, 3 (sumar), bls. 11

Leiðin að heiman

Sigríður Albertsdóttir: „Leiðin að heiman er leiðin heim“
Tímarit Máls og menningar 2007, 68 (1) bls. 90-91

Year:
2011
Publisher:
Category:
Year:
2004
Publisher:
Category:
Year:
2010
Publisher:
Category:
Year:
2008
Publisher:
Category:
Year:
2013
Publisher:
Category:
Year:
2015
Publisher:
Category:
Year:
2004
Publisher:
Category:
Year:
2006
Publisher:
Category:
Year:
2012
Publisher:
Category:
Year:
2007
Publisher:
Category:
Year:
2009
Publisher:
Category:
Year:
2005
Publisher:
Category:
Year:
2011
Publisher:
Category:
Year:
2002
Publisher:
Category:
Ár:
2004
Útgefandi:
Flokkur:
Ár:
2010
Útgefandi:
Flokkur:
Ár:
2008
Útgefandi:
Flokkur:
Ár:
2013
Útgefandi:
Flokkur:
Ár:
2015
Útgefandi:
Flokkur:
Ár:
2004
Útgefandi:
Flokkur:
Borgarlínur eftir Ara Trausta Guðmundsson

Ferðin er klassískt bókmenntaþema og tekur á sig ýmsar myndir í ólíkum sögum. Ferðin getur verið notuð til að fjalla um ferðalanginn sjálfan, hún getur birst sem augnablik upplifunar og hún getur verið notuð til að koma boðskap á framfæri. Ferðin er Ara Trausta Guðmundssyni hugleikin, en hann er mikill ferðalangur og hefur skrifað ýmsar ferðalýsingar og bækur fyrir ferðamenn í tengslum við störf sín og áhugasvið. Árið 2002 eða tók rithöfundaferill hans á sig nýja mynd með smásagnasafninu Vegalínur en það geymdi einmitt ferðasögur. 

Ljóðabók Ara Trausta Guðmundssonar, Blindhæðir, er í raun einskonar saga í ljóðum, saga af lífshlaupi drengs sem elst upp í borg, flytur í sveit, en snýr aftur til borgarinnar og verður ástfanginn.

Í Sálumessu tekur Ari Trausti fyrir fimm tímabil í sögu landsins og skrifar út frá þeim langar smásögur eða eiginlega fimm nóvellur. Þættirnir gerast á söguöld, um Siðaskiptin, á fyrri hluta 19. aldar, snemma á síðustu öld og sá síðasti í nútímanum.