Anna Dóra Antonsdóttir

„Áður sogaði borgarlífið alla krafta úr mér. Ég gat ekki skrifað því alls staðar var eitthvað merkilegt að gerast. Eða svo var mér sagt.“
(Huldur)

Anna Dóra Antonsdóttir fæddist þann 3. Október 1952 á Dalvík, þar sem hún ólst upp. Hún lauk stúdentsprófi frá Menntaskólanum á Akureyri árið 1972, útskrifaðist með kennarapróf frá Kennaraháskóla Íslands árið 1976 og hlaut sérkennarapróf frá Oslóarháskóla árið 1990. Anna Dóra lauk einnig MA prófi í sagnfræði frá Háskóla Íslands árið 2007, en lokaverkefni hennar fjallaði um húsfrú Þórunni Jónsdóttur á Grund (1509-1593).

Anna Dóra var bóndi um tveggja áratuga skeið á Skagafirði og hefur unnið ýmis störf utan ritstarfa. Frá árinu 1976 hefur hún þó fyrst og fremst lagt stund á kennslu og kennsluráðgjöf, og hefur nú starfað sem framhaldsskólakennari og ráðgjafi á fræðsluskrifstofu frá árinu 1990.

Árið 1998 sendi Anna frá sér sögulegu skáldsöguna Voðaskot: saga af ólukkutilfelli. Þar segir frá óupplýstu sakamáli sem átti sér stað á Dalvík á nítjándu öld, en þar kemur forfaðir Önnu, Hans Baldvinsson, við sögu. Síðan hefur hún gefið út eina barnabók, smásagnasafnið Konan sem fór ekki á fætur og þrjár skáldsögur, nú síðast Hafgolufólk árið 2012.

Anna Dóra er gift tveggja barna móðir og er búsett í Reykjavík.

Year:
2013
Publisher:
Category:
Year:
1998
Publisher:
Category:
Year:
2011
Publisher:
Year:
2006
Publisher:
Category:
Year:
2012
Publisher:
Category:
Year:
2001
Publisher:
Category:
Ár:
2011
Útgefandi:
Ár:
2013
Útgefandi:
Flokkur:
Ár:
2006
Útgefandi:
Flokkur:
Ár:
1985
Útgefandi:
Ár:
2012
Útgefandi:
Flokkur:
Ár:
1998
Útgefandi:
Flokkur:
Ár:
2001
Útgefandi:
Flokkur:
Ár:
1985
Útgefandi: