Tilnefningar til Íslensku bókmenntaverðlaunanna 2016

Í dag var tilkynnt við hátíðlega athöfn á Kjarvalsstöðum, um tilnefningar til Íslensku bókmenntaverðlaunanna 2016. Verðlaunin voru fyrst veitt árið 1989. Þetta því í 28. sinn sem tilnefnt er til verðlaunanna. Sambærileg verðlaun eru veitt af útgefendafélögum í bæði Svíþjóð og Noregi. Sænsku verðlaunin eru jafn gömul þeim íslensku, voru stofnuð árið 1989, og bera nafnið Augustpriset (http://www.augustpriset.se/) en þau voru veitt sl. mánudag.  Norsku verðlaunin heita Brageprisen (http://brageprisen.no/) og voru þau veitt í síðustu viku. Eftirfarandi bækur eru tilnefndar í flokki fræðirita og bóka almenns efnis í ár: Árni Heimir Ingólfsson fyrir verkið Saga tónlistarinnar Útgefandi: Forlagið Bergsveinn Birgisson fyrir verkið Leitin að svarta víkingnum Útgefandi: Bjartur Guðrún Ingólfsdóttir fyrir verkið Á hverju liggja ekki vorar göfugu kellíngar Útgefandi: Háskólaútgáfan Ragnar Axelsson fyrir Andlit norðursins Útgefandi: Crymogea Viðar Hreinsson fyrir verkið Jón lærði og náttúrur náttúrunnar Útgefandi: Lesstofan Dómnefnd skipuðu: Aðalsteinn Ingólfsson, formaður nefndar, Hulda Proppé og Þórunn Sigurðardóttir Eftirfarandi bækur eru tilnefndar í flokki barna- og ungmennabóka: Hildur Knútsdóttir fyrir Vetrarhörkur Útgefandi: JPV útgáfa Hildur Knútsdóttir og Þórdís Gísladóttir fyrir Doddi : bók sannleikans! Útgefandi: Bókabeitan Margrét Tryggvadóttir og Linda Ólafsdóttir fyrir Íslandsbók barnanna Útgefandi: JPV Þórhallur Arnórsson og Jón Páll Halldórsson fyrir Vargöld : fyrsta bók Útgefandi: Iðunn Ævar Þór Benediktsson fyrir Vélmennaárásin Útgefandi: Mál og menning Dómnefnd skipuðu: Árni Árnason, formaður nefndar, Hildigunnur Sverrisdóttir og Sigurjón Kjartansson. Eftirfarandi bækur eru tilnefndar í flokki fagurbókmennta: Steinar Bragi fyrir Allt fer Útgefandi: Mál og menning Sjón fyrir Ég er sofandi hurð (Co Dex 1962) Útgefandi: JPV útgáfa Guðrún Eva Mínervudóttir fyrir Skegg Raspútíns Útgefandi: Bjartur Auður Ava Ólafsdóttir fyrir Ör Útgefandi: Benedikt bókaútgáfa Sigurður Pálsson fyrir Ljóð muna rödd Útgefandi: JPV útgáfa Dómnefnd skipuðu: Knútur Hafsteinsson, formaður nefndar, Helga Ferdinandsdóttir og og Jórunn Sigurðardóttir Formenn dómnefndanna þriggja sem valið hafa tilnefningarnar, munu svo koma saman ásamt forsetaskipuðum formanni og velja einn verðlaunahafa úr hverjum flokki. Íslensku bókmenntaverðlaunin 2016 verða afhent um mánaðarmótin janúar-febrúar á komandi ári af forseta Íslands, Guðna Th. Jóhannessyni. Verðlaunaupphæðin er ein milljón króna fyrir hvert verðlaunaverk.